SISD – LAUHATA, 30 Junhu 2026 – Xefi Suku Lauhata hato’o apresisasaun ba politika IX Governu Konstitusional ne’ebe implementa husi Secretaria Estado Komunkkasaun konaba establesementu Plataforma suku dijital iha suku  – suku.

Liafuan hirak ne’e hato’o husi Xefi Suku Lauhata Daniel dos Santos ba Equika SISD Lauhata, Tersa feira (30/06) semana ne’e iha fatin formasaun Salaun Enkontru Sede Suku Maumeta foin lalais.

“Hanesan lideransa komunitariu primeiru apresia ba iha IX governu ne’ebe introduz programa suku digital,ita hatene katak laos ona hanesan uluk luan ohin loron klot, ita apresia tanba produz ona sistema digital hanesan sentru informasaun ida ba iha suku hodi partilha ka fo’o sai programa ka dezenvolvimentu sira ne’ebe ita halo iha suku ba publiku, atu nune’e bele hatene konaba saida mak suku ida ne’e halo nomos desafiu saida mak suku ne’e hasoru liu husi kanal suku digital suku nian”, tenik Daniel.

Tuir Lideransa Suku ne’e katak ohin loron la hanesan tempu uluk, iha mundo ohin loron iha era dijitalizasaun tanba ne’e Autoridade suku no komunidade sira presisa adapta ho era teknologia nian.

“Hau sente katak importante tebes  tamba ita agora ne’e laos hanesan mundo ida uluk taka a’an mais agora ita tama ona ba era globalizasaun modernu ka dizital ho teknologia, ita iha suku mos presija adapta ho sistema sira ne’ebe estabelesidu husi ita nia estadu atu nune’e ema bele konese no hatene ita nia suku no bele hatene ita nia rekursu ka rikeza sira nune’e bele atrai turista sira atu bele mai hare’e ita nia fatin sira ne’ebe iha potensia ba industria atu nune’e ema bele hatene liu husi kanal suku digital nian”, Xefi Suku ne’e hateten.

Atu garante sustentabilidade Sentru Suku Digital, Lideransa suku Lauhata ne’e hateten membru Konsellu Suku no juventude ne’ebé partisipa iha formasaun sei kontinua servisu no aprende hamutuk hodi jere no dezenvolve sentru refere.

Tanba liu husi formasaun ne’e maka atu asegura katak Sentru Suku Digital bele kontinua funsiona diak maski formasaun remata ona. Ho kolaborasaun entre membru sira, sentru ne’e sei sai fatin atu rekolla, organiza no publika informasaun importante kona-ba planu dezenvolvimentu, atividade no akontesimentu sira iha suku, atu komunidade no públiku bele asesu informasaun ho lalais no loloos, tanba ne’e tenke aproveita ho didiak nune’e bele iha konhesementu hodi jere Plataforma suku dijital nian.

“Atu garante katak sentru ida ne atu lao diak ba oin membru konselhu suku no juventude ne’ebe tuir formasaun atu aprende hamutuk nune’e bele garante katak sentru ida ne’e bele lao ba oin no bele garante sustentabilidade laos ona depois de hetan formasaun fila ba ita ida idak tur ninian, ida ne’e la’os hanesan ne’e, maibe formasaun ida ne’e atu garante katak suku digital bele lao ba oin tanba ne’e hau husu komunidade ba publiku maka ida ne’e mai ita aprende hamutuk ho sistema digitalizasaun katak ida ne’e atu hakbesik liu tan prestasaun servisu ba komunidade no komunidade bele hato’o sira nia informasaun no programa ruma liu husi sentru ida ne’e atu nune’e ema hotu-hotu bele asesu”, Xefi Suku hateten.

Iha sorin seluk Benedito S. Barreto nudar formando ida husi formasaun jornalizmu baziku  hatetenb nia sente kontente no orgullu tanba oportunidade ne’ebé nia hetan bele loke nia hanoin no aumenta nia koñesimentu kona-ba sistema digital no prepara mos nia atu bele kontribui ba dezenvolvimentu suku iha futuru.

Tuir Benedito katak iha era teknolojia modernu, Timor-Leste presiza prepara rekursu umanu ne’ebé iha koñesimentu digital atu bele acompanha dezenvolvimentu no kompete ho nasaun sira seluk. Tanba ne’e, juventude no lideransa komunitária presiza kontinua aprende no aproveita oportunidade formasaun sira ne’ebé iha.

“Hanesan formandu sente orgulho ho formasaun ne’ebe hau hetan bele loke hau nia hanoin ka hau nia esprensia sira ne’ebe hau laiha hau bele aprende oinsa atu  bele aumenta hau nia kapasidade aban bairua hau bele dezenvolve hau nia a’an hanesan ema ne’ebe foin sae ida ne’ebe ki’ik aproveita oportunidade no bele aprende tan karik iha future mai hau bele hatene oinsa atu uza sistema ida ne’ebe mak diak tanba ita bele dehan katak Timor leste agora tama ona tecnologia modernu ita presija aprende mos buat ne’ebe foun nune’e ita bele kompete ho nasaun sira seluk”, katak Barreto.

Hakerek Nain : Equipa SISD Lauhata

Editor                 : Formador JPD-SEKOMS